ନୂଆଦିଲ୍ଲୀ, ୮।୫: ଦେଶର ଅଧିକାଂଶ ରାଜ୍ୟଗୁଡ଼ିକୁ ଅକ୍ସିଜେନ୍ ଓ ଜରୁରୀ ଔଷଧ ପାଇଁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି। ସୁପ୍ରିମ୍କୋର୍ଟ ମଧ୍ୟ ଲଗାତାର ଏହା ଉପରେ ନଜର ରଖିଛନ୍ତି । ସୁପ୍ରିମ୍କୋର୍ଟ ଆଜି ଶନିବାର ରାଜ୍ୟଗୁଡ଼ିକରେ ଅକ୍ସିଜେନ୍ ଓ ଜରୁରୀ ଔଷଧର ଆବଣ୍ଟନ ପାଇଁ ୧୨ସଦସ୍ୟ ବିଶିଷ୍ଟ ରାଷ୍ଟ୍ରୀୟ ଟାସ୍କ ଫୋର୍ସ ଗଠନ କରିଛନ୍ତି। ନ୍ୟାସନାଲ୍ ଟାସ୍କ ଫୋର୍ସ ଦେଶରେ ଅକ୍ସିଜେନ୍ର ଉପଲବ୍ଧତା ଓ ସପ୍ଲାଏର ଆକଳନ ଓ ବିତରଣକୁ ନେଇ ସୁପାରିଶ କରିବ। ଟାସ୍କ ଫୋର୍ସରେ ୧୨ ଜଣ ସଦସ୍ୟ ରହିବେ । ସୁପ୍ରିମ୍ କୋର୍ଟ କହିଛନ୍ତି କି ଟାସ୍କ ଫୋର୍ସ ଏବେ ଆହୁରି ଭବିଷ୍ୟତ ପାଇଁ ପାରଦର୍ଶିତା ଆଧରରେ ମହାମାରୀର ସଙ୍କଟକୁ ସାମନା କରିବା ପାଇଁ ଇନ୍ପୁଟ୍ ବା ରଣନୀତି ପ୍ରଦାନ କରିବ। ଟାସ୍କ ଫୋର୍ସ ବୈଜ୍ଞାନିକ, ତର୍କ ସଙ୍ଗତ ଓ ନ୍ୟାୟ ସଙ୍ଗତ ଆଧାର ଉପରେ ରାଜ୍ୟ ଗୁଡ଼ିକୁ ଅକ୍ସିଜେନ୍ ପାଇଁ କାର୍ଯ୍ୟ ପ୍ରାଣାଳୀ ପ୍ରସ୍ତୁତ କରିବ।
