ଭୁବନେଶ୍ୱର,୩୦/୧୦: ରାଜ୍ୟର ବିଭିନ୍ନ ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟରେ ସ୍ନାତକତ୍ତୋର (ପିଜି)ରେ ଖାଲିଥିବା ବଳକା ସିଟ୍ରେ ନାମଲେଖା ହେବ। ଏଥିପାଇଁ ବିଜ୍ଞପ୍ତି ପ୍ରକାଶ କରିଛି ଉଚ୍ଚଶିକ୍ଷା ବିଭାଗ। ଆସନ୍ତା ୧ରୁ ୩ ତାରିଖ ଭିତରେ ସାମ୍ସ୍ ୱେବପୋର୍ଟାଲ୍ରେ ଛାତ୍ରଛାତ୍ରୀମାନେ ନିଜ ଆବେଦନପତ୍ରର ସଂଶୋଧନ କରିବା ସହ ନାମଲେଖା ପାଇଁ ଆବେଦନ କରିବେ। ଏହାପରେ ୪ ତାରିଖରେ ଆବେଦନକାରୀଙ୍କ ମାର୍କ ପ୍ରକାଶିତ ହେବ। କେବେ ନାମଲେଖା ହେବ ସେନେଇ ୧ରୁ ୪ ତାରିଖ ଭିତରେ ବିସ୍ତୃତ ବିଜ୍ଞପ୍ତି ବାହାରିବ। ୫ରୁ ୨୧ ତାରିଖ ମେଧା ତାଲିକା ପ୍ରକାଶ, ନାମଲେଖା, ନାମଲେଖା ଫି’ ସଂଗ୍ରହ ଆଦି ଶେଷ ହେବ। ଏନେଇ ବିଭାଗ ପକ୍ଷରୁ ସମସ୍ତ ବିଶ୍ୱବିଦ୍ୟାଳୟର ସ୍ନାତକତ୍ତୋର ପରିଷଦର ଅଧ୍ୟକ୍ଷ ଓ କଲେଜର ଅଧ୍ୟକ୍ଷଙ୍କୁ ଚିଠି ଲେଖାଯାଇଛି।
