ନୂଆଦିଲ୍ଲୀ, ୨୮/୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୁଇଦିନିଆ ଜାପାନଗସ୍ତ ଥିବା ବେଳେ ଆଜି ମଧ୍ୟରାତ୍ରିରେ ସେ ଜାପାନ ଅଭିମୁଖେ ବାହାରିବେ ବୋଲି ସୂଚନା ରହିଛି। ତେବେ ଆଜି ରାତିରେ ବାହାରି ଆସନ୍ତାକାଲି ପହଞ୍ଚିବେ ମୋଦୀ ଏବଂ ୨୯-୩୦ ଦୁଇ ଦିନ ଜାପାନରେ ରହିବେ। ମୋଦୀ ପ୍ରଧାନମନ୍ତ୍ରୀ ହେବାଠାରୁ ଏହା ତାଙ୍କର ଅଷ୍ଟମ ଗସ୍ତ ହେବ।
ସେପେଟ ଚୀନ୍ ଗସ୍ତ ବି କରିବେ ମୋଦୀ । ୪ ଦିନିଆ ଜାପାନ ଓ ଚୀନ୍ ଗସ୍ତରେ ଯିବେ ମୋଦୀ । ବୈଦେଶିକ ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ମୋଦୀ ପ୍ରଥମ ପର୍ଯ୍ୟାୟରେ ୨୯ ଓ ୩୦ ତାରିଖ ଦୁଇ ଦିନ ଜାପାନ ଗସ୍ତ କରିବେ । ଅଗଷ୍ଟ ୩୧ ଓ ସେପ୍ଟେମ୍ବର ୧ ତାରିଖରେ ଚୀନ୍ ଗସ୍ତ କରିବେ ।
ଜାପାନ ଗସ୍ତ କାଳରେ ମୋଦୀ ୧୫ତମ ଭାରତ-ଜାପାନ ବାର୍ଷିକ ଶିଖର ବୈଠକରେ ଯୋଗଦେବେ । ଏହା ପରେ ଚୀନ୍ ଗସ୍ତ କାଳରେ ମୋଦୀ ତିଆନଜିନରେ ସାଙ୍ଘାଇ ସମନ୍ବୟ ସଂଗଠନ-ଏସସିଓ ବୈଠକରେ ଯୋଗଦେବେ । ବୈଠକକୁ ଯୋଗଦେଇଥିବା ବିଭିନ୍ନ ରାଷ୍ଟ୍ରମୁଖ୍ୟଙ୍କ ସହିତ ମୋଦୀଙ୍କର ଦ୍ବିପାକ୍ଷିକ ଓ ବହୁପାକ୍ଷିକ ବୈଠକ ହେବ । ଏସସିଓ ବୈଠକକୁ ୨୦ଟି ରାଷ୍ଟ୍ରର ନେତାଙ୍କୁ ନିମନ୍ତ୍ରଣ କରାଯାଇଛି ।
ଜାପାନ ଗସ୍ତ ଥିବାରୁ ଟୋକିଓରେ ମୋଦୀଙ୍କ ସ୍ବାଗତ ପାଇଁ ଭବ୍ୟ ଆୟୋଜନ ସହ ପ୍ରବାସୀ ଭାରତୀୟମାନେ ଅପେକ୍ଷା କରି ରହିଛନ୍ତି । ମୋଦୀ ବିଶ୍ବର ଏକ ବ୍ରାଣ୍ଡ କହି ତାଙ୍କ ପ୍ରଶଂସା କରିଛନ୍ତି ପ୍ରବାସୀ ଭାରତୀୟ । ମୋଦୀଙ୍କ ପାଇଁ ବିଶ୍ବରେ ଭାରତୀୟଙ୍କ ପରିଚୟ ବଦଳିଯାଇଛି କହି ଜଣେ ପ୍ରବାସୀ ଭାରତୀୟ ମୋଦୀଙ୍କ ଭୁରି ଭୁରି ପ୍ରଶଂସା କରିଛନ୍ତି।