ଉତ୍ତରାଖଣ୍ଡ, ୨।୭: ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତିରଥ ସିଂହ ରାୱତ ଇସ୍ତଫା ପ୍ରସ୍ତାବ ଦେଇଛନ୍ତି। ଚଳିତ ବର୍ଷ ମାର୍ଚ୍ଚ ୧୦ରେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିବା ତିରଥ ସିଂହ ରାୱତ ଇସ୍ତଫା ଦେବାକୁ ପ୍ରସ୍ତାବ ଦେଇଛନ୍ତି। ତ୍ରିବେନ୍ଦ୍ର ସିଂହ ରାୱତଙ୍କ ସ୍ଥାନରେ ତାଙ୍କୁ ମୁଖ୍ୟମନ୍ତ୍ରୀ କରାଯାଇଥିଲା।
ସୂଚନା ଥାଉକି, ଦିଲ୍ଲୀରେ ତିନି ଦିନ ଧରି କ୍ୟାମ୍ପ କରିଥିବା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତିରଥ ସିଂ ରାୱତ ଗତ ୨୪ ଘଣ୍ଟା ମଧ୍ୟରେ ଦ୍ୱିତୀୟ ଥର ପାଇଁ ଭାରତୀୟ ଜନତା ପାର୍ଟି (ବିଜେପି) ସଭାପତି ଜେପି ନାଡାଙ୍କୁ ଭେଟିଛନ୍ତି । ଏହି ବୈଠକରେ ରାଜ୍ୟରେ ନେତୃତ୍ୱର ଆଉ ଏକ ପରିବର୍ତ୍ତନ ହେବାର କଳ୍ପନାଜଳ୍ପନା ଆରମ୍ଭ ହୋଇଥିଲା । ନାଡାଙ୍କ ଦିଲ୍ଲୀ ବାସଭବନରେ ମୁଖ୍ୟମନ୍ତ୍ରୀଙ୍କ ପ୍ରାୟ ଅଧ ଘଣ୍ଟିଆ ବୈଠକ ଏପରି ଏକ ସମୟରେ ଆସିଛି ଯେତେବେଳେ ରାୱତଙ୍କ ଭବିଷ୍ୟତକୁ ନେଇ ଅନେକ କଳ୍ପନାଜଳ୍ପନା ଚାଲିଛି। ନୂଆ ରାଜନୈତିକ ପରିସ୍ଥିତିକୁ ଦୃଷ୍ଟିରେ ରଖି ତିରଥ ସିଂହ ରାୱତ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ପ୍ରସ୍ତାବ ଦେଇଛନ୍ତି। ତେବେ ତାଙ୍କ ଇସ୍ତଫା ଗ୍ରହଣ କରାଯାଇଛି କି ନାହିଁ ତାହା ନିଶ୍ଚିତ ହୋଇପାରି ନାହିଁ ।
ଉତ୍ତରାଖଣ୍ଡ ବିଧାନସଭା ନିର୍ବାଚନ ପାଇଁ ଏକ ବର୍ଷରୁ କମ୍ ସମୟ ବାକି ଅଛି ଓ ତାଙ୍କୁ ପଦରେ ଜାରି ରଖିବା ପାଇଁ ସେପ୍ଟେମ୍ବର ୧୦ ସୁଦ୍ଧା ରାୱତଙ୍କୁ ବିଧାନସଭା ସଦସ୍ୟ ଭାବରେ ନିର୍ବାଚିତ ହେବା ଏକ ସାମ୍ବିଧାନିକ ବାଧ୍ୟତାମୂଳକ ଥିଲା। ପୌରୀରୁ ଲୋକସଭା ସାଂସଦ ରାୱତ ଚଳିତ ବର୍ଷ ମାର୍ଚ୍ଚ ୧୦ ରେ ମୁଖ୍ୟମନ୍ତ୍ରୀ ଭାବରେ ଦାୟିତ୍ ଗ୍ରହଣ କରିଥିଲେ ।
ନାଡାଙ୍କୁ ଭେଟିବା ପରେ ରାୱତ ଗଣମାଧ୍ୟମକୁ କହିଛନ୍ତି ଯେ ସେ ଆଗାମୀ ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ସମ୍ପର୍କରେ ବିଜେପି ଅଧ୍ୟକ୍ଷଙ୍କ ସହ ଆଲୋଚନା କରିଛନ୍ତି । ଯେତେବେଳେ ତାଙ୍କୁ ଉପ-ନିର୍ବାଚନ ସମ୍ପର୍କରେ ଏକ ପ୍ରଶ୍ନ ପଚରାଗଲା, ସେ କହିଥିଲେ ଯେ ଏହି ମାମଲା ନିର୍ବାଚନ ଆୟୋଗର ଅଟେ ଏବଂ ଏ ସମ୍ପର୍କରେ କୌଣସି ନିଷ୍ପତ୍ତି ତାଙ୍କ ଦ୍ବାରା ଗ୍ରହଣ କରାଯିବ । ସେ କହିଛନ୍ତି ଯେ ଦଳର କେନ୍ଦ୍ରୀୟ ନେତୃତ୍ୱ ଏ ବାବଦରେ ଯାହା ନିଷ୍ପତ୍ତି ନେବେ ତାହା ରଖାଯିବ ।
Comments are closed.